|
બાગે ગુર્જર એક્દા તું દિવ્ય ધામ વસુંધરા ,
જન્મભૂમિ સાદરા ! સાદરા એ સાદરા !
જાણે સંસ્મરણે સદા પાવન પ્રસંગ પરંપરા ,
જન્મભૂમિ સાદરા ! સાદરા એ સાદરા !
ભેંકાર ભાસે ભેખડો, આ કોતરો ની કંદરા,
કણસે સૂના ખંડેર કણકણ ના વળે કળ કે જરા,
કાળ ! નિર્દય કાં બની કીધા પ્રહારો આકરા ?
- - જન્મભૂમિ. ૧
સદીઓ પૂરાણી સંસ્કૃતિ અવશેષ અહીં અભરે ભર્યા
શાન-શૌકત તાજરાજે સ્વપ્ને પણ ના વિસર્યા ,
અસ્તોદય મૂક સાખ સાબૂત જક્ષણી ધૂરંધરા !
- - જન્મભૂમિ. ૨
હિંદુ મુસ્લિમ ખ્રિસ્ત પારસી સર્વ ધર્મ સમાનતા,
પચરંગી બહુવિધ પ્રજા નિત કર્મ-શિસ્ત સભાનતા,
વાંક શું તવ શુભ્ર અંકે આંગલ-અફસર ઉછર્યા ?
- - જન્મભૂમિ. 3
સ્વૈરવિહારી શેષ, ન્હાનલ પ્રેમભક્તિ વિહર્યા,
‘બચ્ચું ચંબલનું’ અહા ! ધૂમકેતુ વિસ્મય ઉચ્ચર્યા,
શસ્ત્રશૂર ને કલમશૂર શુભ સમન્વયે ઋતંભરા !
- - જન્મભૂમિ. ૪
સ્વાસ્થ્યપ્રદ સંજીવની શી પ્રકૃતી આબોહવા ,
પામ્યા રાજ્યધૂરાવહન તાલીમ કુંવરો જ્યહાં,
શાસને સંરક્ષણે તવ સ્થાન તો અજરામરા !
- - જન્મભૂમિ. 5
‘સગરપુત્રો’ શી શૂતી શાપિત આ નગરીપ્રજા,
હાય ! કોના પાપની નિર્દોષને આવળી સજા ?
કો’ ભગીરથની પ્રતીક્ષા અખંડ વર્ષ ઉજાગરા !
- - જન્મભૂમિ. 6
છો કીધી સ્વાથર્ધ ‘બાપુ’ ટી અહીં ધીકતી ધરા,
આજ અંતરતમ પ્રતીતિ 'બાપુ' ચીંધ્યા રાહ ખરા,
નૂતન શિક્ષણ તીર્થભૂમી ધન્ય તું મનોહરા !
- - જન્મભૂમિ. 7
અતીતની અતિ ભવ્ય ગાથા ભગ્નહ્રદય ભરી વ્યથા,
વતનઋણ આરૂઢ અંતર પામે શાતા નાન્યથા,
જમ્યું સો સો વાર સાબર તવ કિનારે સાદરા !
- - જન્મભૂમિ. ૮
|
Gateway Group of Companies